Dagate Lophoranna Gobbate Loosu Kaayyo
Roorenkanni Ikkonoomete Tantanubba aana Illacha Tuga — Qara Qoqqowu Timooti
Gobbankeha wo’millaancho jireenya buuxisiisate haammatu miinju handaarira illacha tunge loonsanni leellinanni. Sidaamu dagoomu qoqqowi mootimmano qoqqowoho heedhanno latishshu uurrinshuwa kaajjishate noo hasatto kaiminni jefisiisaanote bissa biilloonyenna looso gumulate woyyaawe fulino lallawi kiiro 28/2015M.D mootimmate latishshu uurrinshuwa qorqorshi biillonye uurrrisino. Konne harunsite fultino wodhonni mootimmate latishshu uurrinshuwa qorqorshi biilloonyira woshshamaano ikkitinno latishshu uurrinshuwa massagate, irkisatenna qorqorate looso loosatenni qoqqowoho miinjunna dagoomitte lophora jawa qeeecha fulate sokko noosi. Mootimmate latishshu uurrinshuwa gumaamma assate widoonni biilloonyu loosu mini hala’lado loossa loosanni nooha ikkanna qara asse latishshunni, rosunni,dagoomitte owaantenni,loosu kaayyo kalaqonni, dikkote foonqe wonshatenni, doolaare afisiisatenna wolootta loossara illacha tunge loonsanni hee’noonni. Latishshu uurrinshuwanke uurritino hexxo jeefisate mootimmatenni fultanno poolisubbanna istirateejubba harunsite mixo qixxeesidhe jeefisatenni dagate latishshu foonqe wonshitaawo gede Biilloonyu loosu mini latishshu uurrinshuwanke tirfaamma, heewisamaanonna hasantannota ikkitanno gede assate haaro loosu amuraate diriirsatenni heewisaanchimmansanna gumaamimmansa lexxitawonna uurritino hexxo jeefo gansiisa dandisiisanno loossara illacha uyiine loonsanniha ikkanno.
Kalaa Azmera FIlaate Dansamo | 2ki Qara Dayrekitere
