ኮሚሽነር ተስፋዬ ዴቢሶ

ምክኒያቱም አንድ ሐኪም፣ ጠበቃ፣ ዳኛ ወይም ሌላ ባለሙያ የሙያውን ሥነ-ምግባር የሚተላለፍ አድራጎት ከፈፀመ ተጠያቂነት እንዳለበት ሁሉ ፖሊስም በወንጀል፣ በዲስፕሊንና በፍትሐ ብሔር ተጠያቂና ኃላፊነት ሊኖርበት ስለሚገባ ይኼው አካሄድ እየዳበረ ስለመሆኑ መረጃዎች ያመለክታሉ፡፡

የክልላችን ህዝቦች መሠረታዊ ዓላማዎች ውስጥ አንዱ የሆነው በሕግ የበላይነት ላይ የተመሠረተ አንድ የኢኮኖሚ እና ፖለቲካ ማህበረሰብ በጋራ የመገንባት ዓላማ ከግብ የሚደርሰው የግለሰብና የቡድን መሠረታዊ መብቶችና ነፃነቶች መከበራቸው ሲረጋገጥ ነው። የፖሊስ ኮሚሽኑ ከህዝብ ጋር በመሆን የህግ የበላይነትን ለማስከበር ወንጀል ከመፈፀሙ በፊት በጥናትና ምርምር፣ ትንተና እና ከህዝብ አስተያየት በመነሳት ሊፈፀሙ የሚችሉ ወንጀሎችን በማምከን የቅድመ መከላከል ስራ መስራት ይኖርበታል።

ከዚህ አልፎ ወንጀል ከተፈፀመ የወንጀል ድርጊቱን በማጣራት ማስረጃ በማሰባሰብ በጥፋተኞች ላይ ህጋዊ እርምጃ እንዲወሰድ ከአቃቤ ህግ አካላት ጋር በመተባበር እስከ መጨረሻው ጉዳዩን በመከታተል ፍርድ እንዲሰጥ ማድረግ ይኖርበታል።

በህዝቦች ትግልና ግፊት የመጣው ለውጥ ሀገራችንን ወደ ዲሞክራሲያዊ ሥርዓት የሚያሸጋግር፣ ለክልላችን ዘላቂ ሰላምና ብልጽግና መሠረት የሚጥል፣ የዜጎች መሠረታዊ ሰብዓዊ መብቶች እንዲከበሩ እና ህዝቦች በኮሚሽኑ ላይ የሚያነሷቸውን ቅሬታዎች በመፍታት እና የማይቋረጥ ቋሚ የአሰራር ሥርዓትና የአደረጃጀት ለውጥ በማድረግ ህዝቡን በታማኝነት መገልገል ይገባል።

በቅርብ ጊዜ ጀምሮ የክልላችን መንግሥት የፖሊስ አገልግሎት ተደራሽነት እና ብቃት ለማሳደግ አስፈላጊ እርምጃዎችን ወስዶ ዘመናዊ የፖሊስ አደረጃጀት ለመገንባት እየሰራ ይገኛል፡፡ በመሆኑም የፖሊስ ቁልፍ ሚና የወንጀል ተግባር በሕብረተሰቡ ውስጥ እንዳይፈፀም መከላከል ነው፡፡

በፖሊስ ሥነ ምግባር ውስጥ እጅግ በጣም አስፈላጊው ጉዳይ “መልካም እና ሃቀኛ ምግባር” መላበስ ነው። በመሆኑ የክልላችን ፖሊስ የክልሉን ህዝብ ሰላምና ደህንነት ለመጠበቅ የሚያስችሉ የተለያዩ ዘመናዊ ቴክኖሎጂ ባለቤት ለመሆን ከቅርብ ጊዜ ጀምሮ ውስጣዊ ጥንካሬውን ፈትሾ ማሻሻያ የማድረግና የአገልግሎት አሰጣጥን ዲጅታል ለማድረግ በትኩረት እየተሰራ እንደሚገኝ ለመግለፅ እወደላለሁ። አመሰግናለሁ።

ኮሚሽነር ተስፋዬ ዴቢሶ | ዋና አዛዥ